Daha yazısını çap etdirə bilməyən qalmayacaq...

      Diqqət: imzasını tanıtmaq istəyən bütün qələm sahiblərinin çap olunma çətinlikləri aradan götürülür! Belə ki, “Azərbaycan nəşrləri” jurnalı, kitabın maya dəyərinin artdığı, çapının bahalaşdığı və kitab alanların maliyyə imkanlarının azaldığı bir şəraitdə, ədəbi fəaliyyətın zəifləməsinin qarşısını almaq məqsədi ilə yeni formatda çap olunacaq.

      Yeni formatın devizi “Ödənişdən qonorara”dır. Yəni hələ tanınmamış yazarların və tərcüməçilərin əsərləri səhifəhesabı ödənişlə (müəllif və ya onun əsərini təqdim edən tərəfindən) çap edilir və internet səhifəsindəki reytinq cədvəlinə daxil edilir. Sonra, yazıçının reytinqi artdıqca, növbəti əsərlərinin çapı üçün etdiyi ödəniş azalır, son nəticədə əsərləri jurnalda pulsuz çap edilir və kitabı nəşrə hazırlanır.

      İstedadınıza və yaradıcılıq qabiliyyətinizə inanırsınızsa, bu imkandan yararlanıb yaradıcılıq aləmində varlığınızı təsdiq edin.

      Əsərlərinizi göndərmək üçün yubanmadan aznesh2016@gmail.com e-mail ünvanına müraciət edin.

      Müraciətinizə cavab olaraq “Azərbaycan nəşrləri” jurnalının yeni formatı, əsərlərin göndərilmə qaydaları və ödənişlə bağlı daha ətraflı məlumat alacaqsınız. 

http://kitabklubu.org/nesriyyat-xidmetleri.html

Gülarə Munis
"MUNİSİN DEYİMLƏRİ"

Kitaba G.Munisin müxtəlif vaxtlarda dediyi ana sözü, nənə öyüdü, ibrətli və hikmətli kəlamları, gənclərə tövsiyyə və nəsihətləri cəm olunub.
ISBN 978-9952-29-099-8
Bakı, "MBM", 2015, 120 səh.

Məhəmməd Əsəd Bəy
MUHƏMMƏD. SON PEYĞƏMBƏR
/Tarixi-publisistik roman/
Alman dilindən tərcümə edən : Çərkəz Qurbanlı

Kitabda Ərəbistanın islamdan öncəki cahiliyyət dövrü, dünyanın yeni düzənini yaratmış Peyğəmbərimizin uşaqlığı, gəncliyi və peyğəmbərliyi eləcə də islamın XX əsrin əvvəlinə kimi olan durumu gözəl bədii boyalarla təsvir olunur.

© Kitab Klubu MMC, 2016
KitabKlubu.org, 2016, 392 səh.

BAKI KİTAB KLUBUNDA ENDİRİM KAMPANİYASI (-30%)

“20 Yanvar - Tariximizin qanlı və şanlı səhifəsi” /Kitab-albom/

Bu kitab-albom Azərbaycan tarixinin unudulmaz və qanla yazılmış səhifəsi olan 20 yanvar hadisələri Prezident Administrasiyası ictimai-siyasi məsələlər şöbəsinin və "AzərTAc”ın birgə layihəsidir.

Layihənin rəhbərləri Azərbaycan Prezidenti Administrasiyasının ictimai-siyasi məsələlər şöbəsinin müdiri, professor Əli Həsənov və "AzərTAc”ın baş direktoru Aslan Aslanovdur.

Nəşrdə 20 Yanvar hadisələrinin miqyasını, Azərbaycan xalqının 26 il əvvəl yaşadığı faciəni əks etdirən yüzlərlə fotoşəkil toplanıb. Tərtibçilər 20 yanvar hadisələrinin səbəblərini, həmin hadisələr ərəfəsində Azərbaycanda yaranmış gərgin ictimai-siyasi vəziyyəti, Ermənistanın əsasız ərazi iddiaları və Dağlıq Qarabağı Azərbaycandan ayırmaq cəhdləri ilə əlaqədar baş qaldırmış etiraz dalğasını, keçmiş sovet rəhbərlərinin xalqımıza qarşı məkrli siyasətini və digər mühüm məqamları xronoloji ardıcıllıqla təqdim ediblər. Həmin dövrdə cərəyan edən hadisələri və faciəni əks etdirən fotosənədlər "20 Yanvara aparan yol”, "İnformasiya blokadası”, "Qanlı statistika”, "Vida günü”, "Şəhidlər”, "Şəhidlər Xiyabanı - müqəddəs məkan” başlıqları altında toplanıb. Bu fotoşəkillər AzərTAc-ın və bir çox tanınmış fotoqrafların arxivlərindən götürülüb.

"20 Yanvar - Tariximizin qanlı və şanlı səhifəsi” kitab-albomu 1987-ci ildən başlayan bir dövrü əhatə edir. Nəşrdə keçmiş sovet ordusunun Bakıda törətdiyi hərbi cinayətlərlə yanaşı, Azərbaycan xalqının azadlıq mübarizəsinə, şəhidlərin xatirəsinin əbədiləşdirilməsi istiqamətində görülən işlər, ulu öndər Heydər Əliyevin həmin ağır günlərdə Azərbaycanın Moskvadakı daimi nümayəndəliyinə gələrək qanlı qırğına ilk olaraq etiraz səsini ucaltması və siyasi-hüquqi qiymət verməsi, eləcə də ölkəyə rəhbərliyi dövründə şəhid ailələrinə göstərdiyi diqqət və qayğı, prezident İlham Əliyevin şəhidlərin xatirəsinin əbədiləşdirilməsi istiqamətində atdığı sonrakı addımlar da öz əksini tapır. Kitab-albom 20 Yanvar faciəsinə 26 ildən sonra baxış kimi də səciyyələndirilə bilər.

Layihədə daha bir əsas məqsəd 20 Yanvar hadisələrinə dair fotoşəkilləri və sənədləri küll halında təqdim etmək, oxucuda, xüsusən dünya ictimaiyyətində faciə barədə aydın və obyektiv təsəvvür yaratmaqdır. Bununla bağlı əsl həqiqətlərin daha geniş auditoriyaya çatdırılması üçün kitab-albom dörd dildə - Azərbaycan, ingilis, rus və ərəb dillərində nəşr olunub.

Qaçaq Nəbi
Tərtib edəni: Əhliman Axundov

Azərbaycanın xalq qəhramanı Qaçaq Nəbi daim haqqıədaləti qorumuş, haqlının yanında olmuş, ona görə də xalqımızın xatirəsində daim yaşamaqdadır. Sevilə-sevilə oxunan dastanın növbəti nəşrini oxuculara təqdim etməyə məmnunuq.

Tərtib edəni: Əhliman Axundov
Dil: Azərbaycan
Nəşriyyat: © Bakı Kitab Klubu
Nəşr ili: 2016
ISBN -
Səhifə: 504 səh.
Format: 60x84 1/16 (140x200 мм)
Cildi: yumşaq
Tiraj: 100

© Kitab klubu, 2016
© Azərnəşr, 1961
--------------------------
Qiyməti: 8.00 manat

"Azərbaycan dilinin frazeologiya lüğəti"
Tərtibçilər: Qulu Məhərrəmli, Rafiq İsmayılov
Nəşr ili: 2015
Kitabın ölçüləri: 170 mm x 240 mm
Səhifələrin sayı: 288
Qiyməti: 6.00 AZN

Lüğətdə yazılı və şifahi nitqdə işlənən 7000-ə yaxın frazeoloji ifadənin izahı verilmişdir. Mətbuatda, televiziya və radio verilişlərində, həmçinin şifahi və yazılı ədəbiyyatda tez-tez rast gəlinən bu ifadələrin ümumişləkliyi əsas prinsip kimi götürülmüşdür.