Mustafa Çəmənli
"Ölüm mələyi"

Səfəvilər xanədanının böyük bir dövrünü əhatə edən bu romanda I Şah Təhmasib, II Şah İsmayıl, Pərixan bəyim, Gövhər bəyim, İbrahim mirzə, Hüseynqulu Xüləfa və başqa tarixi şəxsiyyətlərin dolğun bədii obrazları yaradılmışdır.
2012, 296 səh.

Azərbaycan rəqs geyimi / Dancing Costumes of Azerbaijan
(layihənin rəh. A. Hüseynov)

Azərbaycan Respublikası Mədəniyyət və Turizm Nazirliyi
mətn. müəl. C. Bayramova ; foto. S. Şalmiyev.
2010, 128 səh. + supercild, rəngli fotolar + CD

Saminə Hidayətqızı
"Muğam qəsri", Sarı sim. II kitab

"Muğam qəsri" ensiklopedik toplu müəllifin "Göy qurşağı" layihəsindən olan ikinci kitabıdır. Yazıçı kitabda muğamın tarixinə tədqiqat baxımından yanaşmış, qədim dövrlərdən üzü bəri klassik muğam bilicilərinin yaradıcılığını və onların həyat yolunu araşdırmışdır. Müəllif təkcə Azərbaycan musiqi xadimlərinin deyil, xaricdə yaşayan və muğam sənətinə müəyyən töhfələr verən yaradıcı şəxslərin və sənətşünasların muğam haqqında düşüncələrini özünəməxsus şəkildə topluya gətirmişdir.

2016, ISBN 978-9952-404-36-4, 576 səh.

Pərvin Gözəlov
“Naxçıvan xanlığına məxsus üç bayraq”

Azərbaycanın qədim dövlətçilik ənənələrinin təbliği baxımından bu kitab xüsusi əhəmiyyətə malikdir. Kitabda təqdim olunan Naxçıvan xanlığının üç bayrağı xanlığın dini, siyasi, ideoloji mənsubiyyətini tam əks etdirir. Bayrağın üzərindəki rəmzlər müasir dövlətçiliyimizin tarixidir. Bunun öyrənilməsi və təbliği çox əhəmiyyətlidir. Hər bir vətəndaş öz dövlətinin tarixini dərindən öyrənməli, onunla fəxr etməlidir. Bu nəşrin hazırlanmasında məqsəd də bu işlərə bir töhfə vermək olub. Kitabda Azərbaycan xanlıqları barədə ətraflı məlumat verilib, əks olunmuş xəritədə onların əraziləri göstərilib. Nəşrdə, həmçinin müasir Azərbaycan bayrağının rəmzləri barədə də məlumatlar əksini tapıb.

Müəllif: Pərvin Gözəlov
Dil: Azərbaycan
Nəşriyyat: “QƏSR”
Nəşr ili: 2016
ISBN: 978-9952-8294-2-6
Səhifə: 80 səh.
Format: 70x100 1/16 (190x280 мм)
Cildi: yumşaq
Tiraj: 500 nüsxə

Əbdürrəhman bin Ömər Əbdül Hüseyn Əl Sufi
"Süvərül kəvakib" (Ulduzların surətləri)
/Fəlsəfi incilər kitabxanası seriyasından/

Kitabın əsli hazırda Azərbaycan Milli Elmlər Akademiyasının M.Füzuli adına Əlyazmalar İnstitutunda saxlanılır. Deməli, türk dünyasının bütün tarixi mədəni mərkəzlərini gəzib yenidən Azərbaycana qayıdan bu nüsxə göstərir ki, böyük coğrafi ərazidə türk xalqlarının elmi, informativ mübadilə əlaqələri orta əsrlərdə inkişaf etməkdə idi.
Kitab bu il təkrar olaraq yenidən nəşr olunub.
2016

Kərim Tahiroğlu
Python ilə Proqramlaşdırma

(özü öyrənənlər üçün)

İlk dəfə Azərbaycan dilində olan bu kitabla artıq proqramlaşdırma öyrənə bilməyən qalmayacaq!
Siz hələ də proqramlaşdırmanı öyrənə bilməmisiniz?
Kompüter Elmləri, İnformasiya Texnologiyaları və digər İT ixtisasları üzrə ali məktəbdə oxuyan tələbələrin nəzərinə!
- Sizə universitetdə proqramlaşdırmanı öyrətmirlər?
- Proqramlaşdırmanı sərbəst şəkildə öyrənmək Sizə çətin gəlir?
- Bahalı Proqramlaşdırma kurslarına getməyə pulunuz yoxdur?
O zaman bu kitab tam Sizə görədir.
Nüfuzlu TIOBE Proqramlaşdırma İcmasının məlumatlarına görə Python hazırda dünya üzrə ilk onluqda yer alan populyar proqramlaşdırma dili sayılır.
Python dili 1991-ci ildə Guido van Rossum tərəfindən işlənib hazırlanmışdır. Proqramlaşdırmanın müasir tələblərinə cavab verən bu dil universaldır. Bu gün Google, Intel, CISCO, Hewlett-Packard, Qualcomm, IBM və NASA kimi qurumlar bir çox layihələrini Python dilində işləyib hazırlayırlar. Python dili pulsuz olaraq yayılır. Bu dili öyrənmək asan və əyləncəlidir. Odur ki, Python dili nəinki peşəkar proqramçılar tərəfindən istifadə olunur, eləcə də həvəskarlar, məktəblilər də bu dilin imkanlarından geniş surətdə faydalanırlar.
Əgər proqramlaşdırmaya yeni başlayırsınızsa, o zaman Python dili tam Sizə görədir.
Kitab kimlər üçündür?
- Kompüter Elmləri, İnformasiya Texnologiyaları və digər İT ixtisasları üzrə ali məktəbdə oxuyan tələbələr;
- İnformatika müəllimləri; 
- Orta məktəb şagirdləri;
- Proqramlaşdırmanı sərbəst şəkildə öyrənmək istəyənlər.
Kitab nə öyrədir?
- Proqramlaşdırma məntiqi;
- Alqoritmləşdirmə;
- Python dilinin əsasları + Obyektyönümlü Proqramlaşdırma.
Kitabın üstün cəhətləri nədir?
- Özü öyrənənlər üçün nəzərdə tutulub;
- Asan və anlaşıqlı izaholunma dili;
- Sadədən mürəkkəbə mövzu ardıcıllığı;
- Bol-bol misallar (proqramlar)

Müəllif: Kərim Tahiroğlu
Dil: Azərbaycan
Nəşriyyat: “Şərq-Qərb”
Nəşr ili: 2016
ISBN: -
Səhifə: 246 səh.
Format: 60x90 1/16 (150x210 мм) 
Cildi: bərk
Tiraj: 1000 nüsxə

Hüquq, Psixologiya və Fəlsəfə ilə maraqlananlar üçün:

♦ İlham Rəhimov. "Cinayət və cəzanın fəlsəfəsi", 2014, 320 səh.
♦ İlham Rəhimov. "Cinayətkarlıq və cəza", 2015, 320 səh.
♦ İlham Rəhimov. "Cəzanın əxlaqiliyi haqqında", 2016, 216 səh.

Hər birinin qiyməti: 14 AZN