ELXAN ELATLI
"Məhəbbətin gizli kodu" (roman)
Məhəbbət romanı - Fərqli detektiv

Romanda yazıçı birbaşa məhəbbət mövzusuna müraciət etsə də, əsər eyni zamanda detektivə xas süjet üzərində qurulub. Bu süjetdə qətl də var, qatilin axtarışı da. Lakin, biz bu romanı "fərqli detektiv" adlandırmaq qərarına gəldik. Çünki, dünya detektiv ənənələrindən fərqli olaraq, burada müəllif cinayəti törədənin kim olduğunu, hətta əsərin sonunda belə, oxuculara açıq şəkildə bildirmir və qatilin tapılmasını oxucuların öhdəsinə buraxır.
Bu səbəbdən də, sevimli yazıçımızın bu yeni romanını əvvəldən daha diqqətlə oxumanızı məsləhət götürük.

Müəllif: Elxan Elatlı
Dil: Azərbaycan
Nəşriyyat: "Elgün"
Nəşr ili: 2016
ISBN: 978-9952-8276-1-3
Səhifə: 312 səh.
Format: 60x84 1/16 (140x200 мм) 
Cildi: yumşaq
Tiraj: 1000

Kamal Abdulla
Azərbaycan dili sintaksisinin nəzəri problemləri

(Yenidən işlənmiş və əlavələr edilmiş ikinci nəşr)

Bu monoqrafiyada Azərbaycan dili sintaksisinin indiyə qədər tədqiqat obyekti olmamış bir sıra nəzəri və eyni zamanda bəzi praktik məqamları təhlil obyektinə çevrilmişdir. Müəllif öz görüşlərini 3 möhtəşəm sintaktik vahidin-sadə cümlənin, mürəkkəb cümlənin və mürəkkəb sintaktik bütövün öyrənilməsi üzərində qurur. Onları bir-birinə bağlayan izomorfizm prinsipinə əsasən, bu vahidlərə bütöv bir sintaktik baxış müəyyənləşdirir. Monoqrafiyanın bəzi hissələri- sadə cümlənin monopredikativ quruluşu, aktual üzlənmə, mürəkkəb sintaktik bütöv (mətn), onun sərhədləri, kompozisiyası, tərkibi, tədqiqinin əsaslandırılması və b. problemlər Azərbaycan dilçiliyində ilk dəfə olaraq geniş sistemli sintaktik təhlilə cəlb olunur.

Müəllif: Kamal Abdulla
Dil: Azərbaycan
Nəşriyyat: "MTM-İnnovation" MMC
Nəşr ili: 2016
ISBN: 978-9952-28-311-2
Səhifə: 360 səh.
Format: 60x84 1/16 (140x200 мм)
Cildi: bərk
Tiraj: 500

Çingiz Aytmatov 
"Erkən gələn durnalar"
"Ana tarla"
(povestlər)

Tərcüməçilər:
Vilayət Rüstəmzadə (Erkən gələn durnalar)
Cəmil Əlibəyov (Ana tarla)

“Erkən gələn durnalar” povestində Böyük Vətən müha-ribəsi illərində arxa cəbhədə atalarını, böyük qardaşlarını yüksək vətəndaşlıq qeyrəti ilə əvəz edən, vaxtından əvvəl kişilənmiş yeniyetmələrin igidliyindən bəhs edilir.
“Ana tarla” povestində Ç.Aytmatov öz nəsrində ilk dəfə şərti formadan istifadə etmiş, əsərdəki hadisələri Tolqanay ananın torpaqla söhbəti şəklində göstərmişdir.

KitabKlubu.org, 2016, 252 səh
© Kitab Klubu MMC, 2016

"TARİXİ YADDAŞ VƏ QONDARMA ƏHVALATLAR"
esselər (Azərbaycan dilində)

ZÖHRƏ ƏSGƏROVA
Bakı, “Yazıçı” nəşriyyatı - 2015, 276 səh.

Dünyada ateizmin sosial hərəkat kimi formalaşmasının səbəb və nəticələri, cəmiyyətdə din və siyasətin bir-birinə qarşılıqlı təsiri “Tarixi yaddaş və qondarma əhvalatlar” kitabında öz geniş əksini tapmış, bu sahə ilə bağlı zəngin, maraqlı tarixi hadisələr, görkəmli şəxsiyyətlərin siyasi, ədəbi fəaliyyəti müəllif tərəfindən təhlil edilmiş-dır. Yazıçı həmçinin əsrlər boyu Azərbaycan torpağına, onun mədəniyyətinə təcavüz edən siyasi qüvvələrin, ermənilərin işğalçı planlarını tarixi faktlarla araşdırmışdır.

Kitaba daxil olunan esselərdə gənclərimiz milli-mənəvi və ümumbəşəri dəyərlərlə bağlı onları düşündürən suallara cavab tapa bilərlər.

S.A.Tolstaya. Mənim həyatım
Tərcümə edən: Araz Dadaşzadə

Lev Tolstoyun arvadı, dostu və köməkçisi Sofya Andreyevnanın bu əlyazması uzun illər arxivdə saxlanmış və oxuculara məlum olmamışdır. Çünki S.Tolstayanın vəsiyyətinə görə əlyazması yalnız onun ölümündən 50 il sonra çap edilə bilərdi. Oxucular kitabdan bu böyük insan, onun ailəsi, yaxın adamlarla münasibəti barədə çox şey öyrənəcəklər. Eyni zamanda xatirələr Lev Tolstoyun məlum obrazının dəqiqləşdirilməsinə, bəzi geniş yayılmış şayiə və dedi-qoduların aradan qaldırılmasına kömək edəcəkdir.

Müəllif: Sofya Tolstaya
Dil: Azərbaycan
Nəşriyyat: © Bakı Kitab Klubu
Nəşr ili: 2016
ISBN -
Səhifə: 232 səh.
Format: 60x84 1/16 (130x200 мм) 
Cildi: yumşaq
Tiraj: 100