«Farsca-rusca-azərbaycanca müxtəsər lüğət»
Tərtibçi: Şəfəq Əlibəyli

11700 sözü əhatə edən bu lüğət Yusif Mirbabayevin 1945-ci ildə tərtib etdiyi lüğət əsasında hazırlanıb. Y.Mirbabayevin lüğətindən fərqli olaraq, təqdim olunan lüğətdə farsca sözlərin transkripsiyası verilib. Lüğətin sözlüyü fars, rus və Azərbaycan dillərinin tezlik lüğətlərində yüksəktezlikli sözlər əsasında müəyyənləşdirilib. Yeri gəldikdə mövcud farsca, rusca, azərbaycanca lüğətlərə müraciət olunub, bir çox sözlərin tərcüməsi dəqiqləşdirilib, yeni sözlər əlavə edilib. Rusca, azərbaycanca sözlük yeni orfoqrafiya qaydalarına uyğunlaşdırılıb.
Lüğət fars, rus, və Azərbaycan dillərinə maraq göstərən, onları müstəqil öyrənən geniş oxucu kütləsi, tələbələr və orta məktəb şagirdləri üçün nəzərdə tutulub.

Vaqif Qasımov
İnformasiya təhlükəsizliyinin əsasları

Kitabda informasiya təhlükəsizliyinin konseptual və formal modelləri, baza prinsipləri və əsas müddəaları, kompüter və formal modelləri, baza prinsipləri və əsas müddəaları, kompüter sistemlərində və şəbəkələrində mümkün təhlükələr, onların qarşısının alınması üsulları və vasitələri, o cümlədən kriptoqrafik və stedanoqrafik üsullar, elektron imza texnologiyası, eləcə də informasiya təhlükəsizliyinin təmin edilməsinə kompleks yanaşma və informasiya təhlükəsizliyi sistemlərinin yaradılması prinsipləri ətraflı şərh olunub.

2009, ISBN: 978-9952-443-50-9, 340 səh.

Анар Мамедханов. "Быть самим собой"

Автор предисловия и редактор:
Эльмира Ахундова
Составитель: 
Наида Мамедханова

В книгу известного политика и общественного деятеля, легендарного капитана команды "Парни из Баку" Анара Мамедханова вошли аналитические статьи, эссе, комментарии, открытые письма Анара, опубликованные в разное время и затрагивающие самые разные актуальные проблемы. Книга предназначена широкому кругу читателей.

Издательский Дом "Şərq-Qərb", 2014, 296 стр.
"ISBN 978-9952-489-87-3

Zəhirəddin Məhəmməd Babur
Baburnamə
Çağatayca, türkcə və rsca nəşrlərindən çevirən, ön sözün, qeydlərin və izahların müəllifi: Ramiz Əskər

Böyük türk hökmdarı və dövlət xadimi, ümumtürk ədəbiyyatının görkəmli nümayəndəsi Qazi Zəhirəddin Məhəmməd Baburun (1482-1530) «Baburnamə» əsəri türk və islam ədəbiyyatında memuar janrında yazılmış ilk əsərdir. Müəllif burada öz keşməkeşli həyatını qələmə almış, Mərkəzi Asiyanın, Əfqanıstanın və Hindistanın tarixinə, mədəniyyətinə, etnoqrafiyasına, flora və faunasına dair qiymətli mə¬lumatlar vermişdir. Kitab 31 mart - 4 aprel 2009-cu ildə İstanbulda TürkSOY tərəfindən təşkil olunan «Türk Ləhcələri Arasında Uyğunlaşdırma Çalışmalarının Bu günkü Durumu və Qarşılaşılan Problemlər» mövzusunda Beynəlxalq simpoziumun tövsiyələrinə və yekun bəyannaməsinə uyğun olaraq nəşr edilir.

2011, ISBN 978-9952-29-041-7, 424 səh.

Tahir Kazımov 
Yeni Orlean “şənlikləri” 

Roman-detektivdə ABŞ-ın cənub bölgəsində, Luiziana ştatının, Meksika körfəzinin sahilində Missisipi çayının yarıya böldüyü Yeni Orlean şəhərində təxminən 300 il əvvəl Fransa və İspaniya kolonistlərinin bu ərazilərə Şimali Afrikadan, Haiti və Karib adalarından gətirdikləri qullar vasitəsilə yaradılmış, bir növ adət-ənənəyə çevrilmiş əxlaqsızlıq yuvalarından, şamanlıq və cadugarlıqdan, törədilən cinayətlərdən, bütün bu neqativ hallara baxmayaraq caz musiqisi əhatəsində şənlənən şəhər sakinlərinin, bir sözlə, ümumən ABŞ həyat tərzinin reallığı bədii çalarlarla təsvir edilib. Əsərin qəhrəmanı Riz Perettinin anası Terensin ona “...qızım, bu şəhəri özümüzə yaşayış məskəni seçmişiksə...onun da ab-havasına alışmalı, bacardığımız qədər dözməliyik...” sözlərinə Rizin “”...yox, ana, yox... mən güclülər, canilər, vəhşilər yaşayan şəhərdə doğulmuş olsam da, güclü də, cani də, iradəli və fəndgir də olub ağılla, mənəviyyatla yaşayacağam, bacardığım qədər də inadkar, qisascıl olacağam...” deməsi əsərin demək olar ki, məğzini, məzmununu təşkil edir. Əsərgənc nəsli, ümumiyyətlə, insanları pis adət və vərdişlərdən yayındırmağa, sevgi, mənəviyyat və səmimiyyətlə yaşamağa ruhlandırır.
ISBN 978-9952-440-45-5, 2013, 580 səh.

Gi de Mopassan
Bitmiş insanlar

(tərcümə: Azad Yaşar)

Kitaba daxil olan hekayələr müəllifin 2010-cu ildə çap olunmuş “Seçilmiş əsərləri” bircildliyinə də daxil edilib. Həmin nəşrdən fərqli olaraq, əlinizdəki mətnlərdə şair-çevirmən Azad Yaşar öz orijinal yazı üslubunu eynilə qorumaqdadır. Kitabda öz tamah və ehtiraslarının külünə çevrilən, bu üzdən də həyatın keşməkeşlərində yolunu azan insanların faciələrindən bəhs edən 18 hekayə toplanıb. Ön söz və terminlərin izahı çevirmən Azad Yaşara məxsusdur.

2012, 152 səh.

Ərşad Əzimzadə  
Möcüzəsiz möcüzə (elmi-publisistik əsər)

Həmişə sağlam olmaq, gümrah və bəxtiyar yaşamaq, öz gəncliyini uzun illər qoruyub saxlamaq istəyən hər kəs, eləcə də ağır xəstəliklərdən təbii üsullarla yaxa qurtarmaq, özünü dava-dərmansız sağaltmaq, özü özünün həkimi olmaq istəyən hər bir xəstə, yaşından asılı olmayaraq, bu kitabda “bunu necə etmək olar” sualına konkret və ətraflı cavab ala biləcək. Kitabda dünya şöhrətli naturopat alimlərin cansağlığı ilə bağlı təlimlərinə arxalanaraq, özünü 8 ağır xəstəlikdən dava-dərmansız sağaldan müəllifin baxışları və təcrübəsi öz geniş əksini tapıb. Bu təcrübə deyir: sağalmayan xəstəlik yoxdur, sağalmayan xəstə var. Sağalmaq istəyən-yollar axtarır, istəməyən-bəhanə...

İnci, 2009, 272 səh., 14x20, yumşaq, 500

Oq Mandino
Dünyanın ən dahi taciri

(tərcümə: Elxan Rzayev)

Kitab mənəviyyatın, özünü tərbiyənin və ticarətin qızıl qaydalarını sadə və anlaşıqlı bir dillə oxucuya çatdırır. Həyat burulğanında batmayıb, öz yerini tapmaq istəyən hər bir şəxs üçün faydalı olacaqdır.

Müəllif: Oq Mandino
Dil: Azərbaycan
Nəşriyyat: © Bakı Kitab Klubu
Nəşr ili: 2014
ISBN: 978-9952-8252-2-0
Səhifə: 144 səh.
Format: 60x84 1/16 (120x170 мм) 
Cildi: yumşaq
Tiraj: 100

Mənzərə Sadıqova 
YaşaM

Kitabda müəllifin bədii-fəlsəfi düşüncələri, lirik yaradıcılığı, elmi-publisistik məqalələri toplanıb. Kitab geniş oxucu kütləsi, tədqiqatçılar, jurnalistika fakültəsinin tələbələri üçün nəzərdə tutulub.

Müəllif: Mənzərə Sadıqova 
Dil: Azərbaycan
Nəşriyyat: "Elm və təhsil"
Nəşr ili: 2011
ISBN: -
Səhifə: 428 səh.
Format: 60x90 1/16 (160x220 мм) 
Cildi: bərk
Tiraj: 1000

Robin Şarma
«Uğur qazanmaq üçün 200 məsləhət» (2-ci nəşr)

(özünü formalaşdırmanın təməlləri)

Bu əsər özünü-inkişafla bağlı dünya bestsellerlərindən biridir. Uğurlu insan olmaq üçün riayət etməli olduğunuz əsas həyat prinsipləri kitabda qısa məsləhətlər şəklidə verilmişdir. Bu məsləhətlərin içərisindən məhz sizə lazım olanları da var. Düzdür, onlar sizə yalnız o halda kömək edəcək ki, ancaq oxumaqla kifayətlənməyib, istifadə etməyi sınayacaqsınız.
Sadəcə oxuyun, özünüz üçün mütləq nə isə tapacaqsınız.

KitabKlubu.org, 2014, 108 səh.
ISBN 978-9952-812-51-0

"BARBAROS XEYRƏDDİN PAŞANIN XATİRƏLƏRİ"
Kitab Klubu, 2014, 156 səh.

Azərbaycan dilinə uyğunlaşdıranı: Elxan Rzayev

Osmanlı imperiyası Dəniz Donanmasının əfsanəvi Baş komandanı, Avropada Barbaros (Kürənsaqqal) adı ilə məşhur olan Xeyrəddin (Xızır) Paşanın (1478-1546) öz dilindən yazılmış və 1965-ci ilə qədər türk dilində nəşr edilməmiş xatirələri sizi türk hərb tarixinin zəngin səhifə-lərinə götürəcək, bu böyük şəxsiyyətin həyat və fəaliyyəti ilə tanış edəcəkdir.
/ k i t a b   m a g a z a l a r ı n d a n   s o r u ş u n!.. /

Vaqif Sultanlı
İnsan dənizi 

Kitaba müəlifin nəsr yaradıcılığında xüsusi yer tutan “İnsan dənizi” romanı daxil edilib. Hadisələrin ötən əsrin 80-ci illərində cərəyan etdiyi romanda ölüm cəzasından xilas olmuş insanın taleyi fonunda özgələşmə probleminin bədii-fəlsəfi mahiyyəti aşkarlanmışdır. 

ISBN 978-9952-8142-7-9, 2014, 256 səh.

Azərbaycan nağılları (5 cilddə)

Beşcildlik “Azərbaycan nağılları”nın təqdim olunan I cildinin əsasında milli folklorun toplanması, nəşri və araşdırılmasında böyük xidməti olan Hənəfi Zeynallının “Azərbaycan nağılları” toplusu dayanır. Topluda yer alan, milli koloritlə zəngin nağıllar vaxtilə Azərbaycanın dəyişik bölgələrindən yazıya alınmışdır.

“Azərbaycan nağılları”nın II, III və IV cildlərdə xalq arasında geniş yayılan, forma və məzmunca dəyişik nağıl nümunələri toplanmışdır.

V cilddə təqdim olunan nağıllar Gəncəbasardan ifa zamanı yazıya alınıb toplanmışdır. Cildə daxil edilmiş “Moltanı padşahı”, “Uşax pəhlivan”, “Yusiflə Sənubər”, “Padşah və dəmirçi” ilə yanaşı “Ovçu Pirim”, “Göyçək Fatma”, “Loğman”, “Kəsik baş”, “İskəndər Zülqərneyn” və b. bəzən bir, bəzən də bir neçə dəfə nəşr edilmiş süjetlərin yeni, maraqlı variantlarıdır.

Layihə rəhbəri: Mirzə Ənsərli (Ləmbəli) 
Masonlar (II kitab) 

Topluda Yaponiyada, Çində, Avstraliyada, Yeni Zelandiyada, Avropa ölkələrində, Rusiya Federasiyasında, Türkiyə Cümhuriyyətində və İranda masonluğun fəaliyyəti, bu gizli cəmiyyətin təsis etdiyi lojalar haqqında geniş məlumat verilir. Burada XX əsr Avropa siyasi tarixinin parlaq simalarının fəaliyyətində masonluğa dair izlər ayrı-ayrı sənədlərlə və çıxışlarla aşkar edilir. Bu gizli cəmiyyətin Avropadan Uzaq Şərqə qədər bütün Avrasiya məkanında yayılma səbəblərindən, mason təşkilatlarının 20-ci yüzillikdə , Rusiya Federasiyasının, Türkiyə Cümhuriyyətinin və İranın siyasi, iqtisadi həyatında oynadığı roldan bəhs olunur.

2014, 300 səh.