Vüqar Dəmirbəyli
"ALMANİYA HAQQINDA HEKAYƏLƏR"

Bu gün Azərbaycanda kimdən Almaniya haqqında soruşsanız, o sizə bu ölkənin mədəniyyətinə, tarixinə yaxşı bələd olduğunu və hətta onu sevdiyini deyəcək. Azərbaycanlılar həm də əmindirlər ki, almanlar ən ağıllı, istedadlı və işgüzar insanlardır. Bütün dünyada ən nizam-intizamlı olanlar da, ən keyfiyyətli malları istehsal edən də onlardır. Bizim insanlar həm də deyirlər ki, Almaniya olduqca demokratik və ədalətli bir ölkədir. Bəs Almaniya əslində necədir?

KitabKlubu.org, 2017, 242 səh.
© Kitab Klubu MMC, 2017

İlyas Əfəndiyev
"Dağlar arxasında üç dost"
(roman)

“Dağlar arxasında üç dost” əsəri (1963) İlyas Əfəndiyevin ən güclü romanlarından biri hesab olunur. Romanı oxumağa başlarkən artıq onun klişe sovet romanlarından fərqləndiyini sezmək olur. Hətta sovet beynəlmiləlçiliyi (erməni-azərbaycanlı dostluğu) mövzusunu da dramaturq peşəkarlıqla elə qələmə almışdır ki, indiki baxışla belə o cür münasibətlər absurd görünmür.
Müəllifin digər roman və dram əsərlərində olduğu kimi bu əsərin də süjet xətti real hadisələrlə zəngin, kəskin dəyişkən xətt üzrə gedir. Əsərin məzmunu əsasən məhəbbət və ailə dramından ibarətdir. Qəhrəmanların – Şahlar və Səlimənin bir-birinə sevgisi nə qədər qırılmaz və səmimi olsa da, əksinə oğlanın anası Gülnisənin gənclərin məhəbbətinə qarşı etdiyi hərəkətlər də bir o qədər təsirlidir... və tezliklə hadisələr məcrasından çıxır... Əsərdə səmimi dostluq və ülvi məhəbbət hissləri ilə yanaşı cürbəcür insan xarakterlərindən, düşmənçiliyə gətirib çıxaran kəskin insan komplekslərindən də söhbət açılır.
Romanın dili də çox sadə olduğundan birnəfəsə oxunur.

© Kitab Klubu MMC, 2017

Müəllif: İlyas Əfəndiyev
Dil: Azərbaycan
Nəşriyyat: © Bakı Kitab Klubu
Nəşr ili: 2017
ISBN -
Səhifə: 288 səh.
Format: 60x84 1/16 (140x200 мм)
Cildi: yumşaq
Tiraj: 50

Ömər Xəyyam
Görkəmli adamların həyatı

Şamil Sultanov, Kamil Sultanov
Transliterasiya korrektoru: Dürdanə Ramazanlı

Tərcümə edəni: Vəli Həbiboğlu
Redaktoru: Şölə Quliyeva

Kitab Şərqin böyük şairi və mütəfəkkiri Ömər Xəyyamın həyat və yaradıcılığından bəhs edir. Onun bir çox dillərə tərcümə olunmuş şeirləri dünya şöhrəti qazanmışdır. Ömər Xəyyam həm də bir riyaziyyatçı və filosof kimi məşhurdur. Müəlliflər az məlum olan çoxlu materiallar əsasında Ömər Xəyyamın həyat və fəaliyyətini işıqlandırmaqla yanaşı, həm də XI–XII əsrlərdə müsəlman Şərqində mövcud tarixi şəraiti və mənəvi həyatı da geniş qələmə almışlar.

© Kitab Klubu MMC, 2017
© Gənclik, 1991

Müəllif: Şamil Sultanov, Kamil Sultanov
Dil: Azərbaycan
Nəşriyyat: © Bakı Kitab Klubu
Nəşr ili: 2017
ISBN -
Səhifə: 360 səh.
Format: 60x84 1/16 (140x200 мм)
Cildi: yumşaq
Tiraj: 50

Məhəmməd Füzuli
Fələklər yandı ahimdən...

(Seçilmiş Əsərləri)

Bakı, Kitab Klubu, 2017, 456 səh.

Məhəmməd Füzuli – ana dilimizdə yaranmış şerin ən gözəl nümunələri olan əsərləri ilə ədəbi-bədii dilimizi yüksəkliklərə qaldırmış, klassik Azərbaycan, habelə digər türk xalqlarının poeziyasına misilsiz təsir göstərən ədəbi məktəb yaratmış dahi şair və mütəfəkkirdir. Şairin türkcə əsərlər yaratması və bu dilə xüsusi diqqət yetirməsi onun türk soyundan olduğunun isbatı üçün kifayətdir.
Kitabımıza dahi şairin Leyli və Məcnun poeması və qəzəlləri daxil edilmişdir.

Qeyd: şairin poetik üslubuna və ifadə formasına xələl gəltirməmək üçün apostrof işarəsi olduğu kimi saxlanılmışdır

Kitabın hazırlanmasında bu nəşrlərdən istifadə olunmuşdur:
“Azərbaycan Ensiklopediyası” NPB, 1995, Füzuli. 2 cilddə,
“Azərbaycan” Nəşriyyatı, 1996, Füzuli. 6 cilddə

© Kitab Klubu, 2017

Müəllif: Məhəmməd Füzuli
Dil: Azərbaycan
Nəşriyyat: © Bakı Kitab Klubu
Nəşr ili: 2017
ISBN -
Səhifə: 456 səh.
Format: 60x84 1/16 (140x200 мм)
Cildi: yumşaq
Tiraj: 50

Məsiağa Məhəmmədi
"Şəms və Mövlana"

Kitaba sufizmin və bütövlükdə Şərq bədii-fəlsəfi düşüncəsinin ən parlaq simalarından olan Şəms Təbrizi və Mövlana Cəlaləddin Rumi haqqında müəllifin məqalələri, eləcə də onların yaradıcılığından tərcümələri daxil edilmişdir. Müəllif Azərbaycan şərqşünaslığı və ədəbiyyatşünaslığında ilk dəfə olaraq, Şəms Təbrizinin gerçək şəxsiyyəti və düşüncələri üzərinə işıq salmış, onun bioqrafiyasının bəzi qaranlıq və mübahisəli məqamlarına aydınlıq gətirməyə, eləcə də Mövlananın irəli sürdüyü fəlsəfi-ictimai təlimin yığcam və anlaşıqlı şərhini verməyə çalışmışdır. Kitabda yer almış və orijinaldan edilmiş tərcümələr Azərbaycan oxucusuna ilk dəfə təqdim olunur. Kitab şərqşünaslar, filoloqlar, ali məktəblərin müəllim və tələbələri, eləcə də klassik Şərq ədəbiyyatı ilə maraqlanan geniş oxucu kütləsi üçün nəzərdə tutulmuşdur.

Müəllif: Məsiağa Məhəmmədi
Dil: Azərbaycan
Nəşriyyat: © Bakı Kitab Klubu
Nəşr ili: 2017
ISBN 978-9952-812-54-1
Səhifə: 96 səh.
Format: 60x84 1/16 (130x200 мм)
Cildi: yumşaq
Tiraj: 50

ABUNƏÇİLƏRİN NƏZƏRİNƏ:
DƏK Seriyasından yeni 6 kitab çap olundu!

Qarşılayın!... 

1. Emil Zolya, S/Əsərləri

2. Fransua Moriak, S/Əsərləri
3. Kenzaburo Oe, S/Əsərləri
4. XX əsr ədəb. antologiyası I cild
5. XX əsr ədəb. antologiyası II cild
6. İtalyan ədəbiyyatı kitabxanası

Beləliklə DƏK layihəsindən ümumilikdə 130 kitab çap olunub.
Yolunuzu gözləyirik...
---------------------------
Ünvanımız:
Təbriz küçəsi (keçmiş Çapayev), Tələt Şıxəliyev 14
(Şuşa restoranının yaxınlığı / 4saylı poliklinika) Nərimanovla 28 mayın arası. (hər iki tərəfdən 5№li qırmızı BakuBus*-lar gəlir)
Əlaqə nömrələri: 012 489 84 69, 050 404 91 13