Hamlet İsaxanlı
“Əlkimya: Elm, Sənət və Mistika”

Kitabda Əlkimyanın vətəni olmağa əsas namizəd sayılan qədim Misir və sonra Mesopotamiya, Yunan və Roma sivilizasiyaları, Çin və İslamın hegemon olduğu dövrlər və nəhayət, Orta Əsrlər Avropası diqqət mərkəzində olmaqla dünya əlkimya tarixinə baş vurulur, müqayisəli təhlil nəticəsində müəyyən ümumiləşmələr aparılaraq, oxşarlıqlar və fərqlər qeyd edilir. Əlkimyanın elmi və texnoloji, həmçinin iqtisadi və ticari tərəfləri, qızıl və gümüşün fiziki-kimyəvi xassələri, mənəvi və ictimai tərəfləri, metalları qızıl və gümüşə çevirmə cəhdləri, həmçinin gəncləşmə və ölümsüzlük bəxş edə bilən eliksir axtarışı barədə, bu sahələrdə yaradıcı fəaliyyət göstərənlər haqqında söhbət açılır.

Yeri gəldikcə əlkimya ilə sıx bağlı olan tibb, farmakologiya və botanika, metal və minerallar, fəlsəfə və mistika üzərində durulur. Müxtəlif əfsanə və rəvayətlər, səyahət və savaşlar, kitablar və ensiklopediyalar haqqında söhbət edilir. Ana və ya təməl elementlər, xüsusilə, onların bəs etmədiyini ortaya qoyan və əlkimyanın canı sayılan civə, kükürd və duz kimi maddələr ətrafında cərəyan edən hadisələr diqqət mərkəzinə qoyulur.

Anlaşıqlı dildə yazılan bu monoqrafiya mütəxəssislər, tələbələr və geniş oxucu dairəsi üçün nəzərdə tutulmuşdur.

Müəllif: Hamlet İsaxanlı
Dil: Azərbaycan
Nəşriyyat: "Xəzər Universiteti Nəşriyyatı"
Nəşr ili: 2018
ISBN: 978-9952-20-115-4
Səhifə: 420 səh.
Format: 60x84 1/16 (150x210 мм)
Cildi: bərk / supercild
Tiraj: 300 nüsxə